Author

OERWOUDVALK REEKS - JAGTERS VAN ZARSJATA

In hierdie vierde verhaal van die Oerwoudvalk reeks is die Valk en ’n geselskap blankes, wat hy probeer red het in die derde verhaal, steeds in die Oervallei.  Die rede is omdat hulle op soek is na Mimi Loloberg, eertydse rolprentster, wat hulle vermoed deur die Sjaloks van Zarsjata ontvoer is.  Dit pas voordat hulle ’n daadwerklike poging sou aanwend om uit die verskriklike vallei te probeer ontsnap.

Intussen daag daar ’n bende rampokkers in ’n helikopter uit die buitewêreld op, want hulle het nuus gekry oor blink klippies wat blykbaar volop is in hierdie tropiese Oervallei.  Die diamante sal hulle oornag miljoenêrs kan maak in die moderne wêreld.  Baie gou bots hulle egter met die verskillende oerstamme wat in die vallei voorkom.

Nie lank nie of die Valk is ook bewus van die nuwe gevaar wat dreig om hom en sy mede blankes te probeer vernietig.  Asof dit nie reeds erg genoeg is nie, moet die Valk ook nog probeer om vir Mimi Loloberg uit die hande van die Sjaloks te probeer red en weer vrede te probeer skep tussen al die oerstamme in die Oervallei.  Dit is ’n reuse taak wat op die Oerwoudman se skouers rus.  In die proses moet die Valk kragte meet met een van die oervallei se kragtigste oermanne en ook ontsnap van ’n reuse oerdier se verwoede stormloop en dit is maar net van die Valk se opwindende avonture in die verlore Oervallei.




  • Zelda Hugo
    17 Oct 2019

    Suid Afrika se eie Tarzan boeke. Net jammer die reeks is so kort.