Op pad na Batavia word die hartgebroke Anna deur die gevreesde seerower Oloff gekaap. Hy neem haar gevange na die verraderlike Deelenbaai, vasbeslote om sy onskuld te bewys te midde van dodelike intriges en geheime.
Keywords2. OLOFF DIE SEEROWER REEKS - DIE SEEWRAAK
Die son bak oor die Kaap die Goeie Hoop waar die statige Kompanjieskip, die Jansje Meer, gereed lê vir sy vertrek na Batavia. Aan boord is die beeldskone Anna te Hoogen, niggie van die goewerneur, en die ambisieuse fiskaal, Frederick de Nuys. Anna se hart is verskeur. Sy reis na die Ooste, maar haar gedagtes draal by Oloff van Wagenaar, die man wat sy lief het maar wat van die moord op sy eie vader beskuldig word en moes vlug. Gerugte van ’n gewetenlose seerower, Oloff die Seerower, met Oloff van Wagenaar se kenmerkende rooi hare en blou oë, wat die seë terroriseer, saai twyfel en vrees. ’n Oorlewende van ’n aanval vertel van die dodelike skip, die Seewraak, wat Anna se vrese verder versterk net voor haar eie gevaarlike reis aanbreek.
Die reis ontaard gou in ’n nagmerrie. Die Jansje Meer word deur genadelose kapers aangeval, en hoop verdwyn soos die seerowers die dek oorstroom. Te midde van chaos en dood verskyn die gevreesde Seewraak soos ’n skim uit die dieptes. Sy kanonne saai verwoesting onder die aanvallers, maar sy geheimsinnige kaptein, die man wat homself Oloff noem, neem Anna en die ander oorlewendes gevange. Aan boord die Seewraak word Anna gekonfronteer met die man wat sy eens vertrou het, nou ’n geharde figuur wie se brutale optrede skreiend bots met sy eertydse beloftes van onskuld.
Oloff, word gedryf deur Anna se beskuldigings van gruweldade wat hy ontken hy gepleeg het, en die skielike, skokkende moontlikheid dat sy aartsvyand, die man wat sy lewe verwoes het, steeds leef en desperate planne teen hom smee. Daarom stuur Oloff toe sy sy skip, met sy onwillige gaste, na die gevaarlikste hawe van almal, Deelenbaai, die nes van die see se uitskot. Daar, in die skaduwees van verraad, moet hy antwoorde vind en sy onskuld probeer bewys, terwyl sy gevangenes se lot aan ’n sydraadjie hang. Kan Oloff die waarheid ontbloot en sy naam suiwer voordat dit te laat is? Die see hou ’n dodelike geheim verskuil in sy dieptes wat slegs die dapperstes sal oorleef om te vertel.
#oloffdieseerowerstories
Gerrie Radlof is seer sekerlik een van Suid Afrika se beste Afrikaanse skrywers wat ooit gelewe het. Sy alombekende Buiter reeks van nege boeke het is goed bekend by oud en jonk wat lief is vir Kaapse verhale en word nou weer in e-boek sowel as boek formaat vrygestel. Gerrie Radlof was betrokke by ’n hele aantal reekse, maar die reeks wat seker die bekendste is van almal is, is sy uiters gewilde Oloff die Seerower reeks van 24 boeke. Hierdie reeks gaan oor die seerower era toe seilskepe nog die oseane getem het en seerowers om amper elke hoek en draai op loer gelê het vir hul prooi. Oloff van Wagenaar het dit sy lewenstaak gemaak om die see te bevry van die euwel en saam met sy getroue vriende en twee pragskepe, ervaar hulle skermutselings op see en land, waar die een met die skerpste brein en beste voorbereid was, gewoonlik die botoon gevoer het. Die reeks is lank genoeg sodat die leser nie net die gegewe seerower era kan ervaar in sy totaliteit nie, maar daar is meer as genoeg aksie, romanse, spanning, drama en ander verwikkelinge in elke storie wat die leser aangryp en nie laat los voor die storie nie eers klaar gelees is nie. Volgens my is die reeks briljant geskryf en iedereen wat hou van die tydperk in die wêreld se geskiedenis sal die stories meer as geniet.