Oloff die Seerower, heimlik toegewyd aan die uitwissing van seerowery, sluit noodgedwonge 'n gevaarlike ooreenkoms met die wrede Komorin om gyselaars te red, wat hom na die verraderlike intriges van Haiderabad lei.
Keywords6. OLOFF DIE SEEROWER REEKS - DRIE VREEMDE KAPERS
Die seerowerhawe Deelenbaai gons met gerugte oor ’n nuwe, onmenslike wrede kaper, naamlik Komorin van die Karibiese See. Hy maak sy gevangenes een vir een voor die ander se oë dood, en sy volgende slagoffer is op hande. Kaptein Oloff van Wagenaar, beter bekend as die gevreesde Oloff die Seerower, keer terug na die baai en verneem dat hierdie Komorin hom soek. Oloff, wie se ware missie is om seerowery uit te wis, besluit dat die monster spoedig gestop moet word. Hy speel gevolglik saam, aanvaar Komorin se uitnodiging aan boord sy vlagskip, die Aurangzeb, net om te sien hoe Komorin voorberei om ’n jong vrou, Ninette Dupleix, te kielhaal.
Om Ninette en ses ander vroue se lewens te red, sluit Oloff ’n gevaarlike ooreenkoms. Hy sal Komorin help om die troon van Haiderabad te verower. Maar die vroue bly Komorin se gyselaars, ’n dodelike swaard oor Oloff se kop. Die reis na Indië is belaai met spanning, en Haiderabad self is ’n nes van intrige waar mededingers soos die slinkse Bali Visyanath en die hooghartige Basan Khan hul eie dodelike speletjies speel. Oloff, met sy lojale vriende Henning Roux, Heem Beyers en Sias Myburgh aan sy sy, moet ’n pad deur hierdie web van verraad baan. Hy moet Komorin se vertroue behou terwyl hy in die geheim planne smee om hom te ondermyn en die gyselaars te bevry.
Kan hy die Franse Goewerneur-generaal Dupleix se hulp inroep? Sal hy daarin slaag om die onskuldige Prinses Nahirima uit Komorin se kloue te hou, en terselfdertyd Ninette red? Elke stap is ’n waagstuk en elke glimlag ’n masker van onsekerheid. Terwyl die spanning oplaai en die finale konfrontasie naderkom, ontvou ’n plan wat moed, listigheid en senuwees van staal vereis. Maar wie is Oloff werklik agter die masker van die gevreesde Seerower? En watter donker geheim dryf hom op hierdie eensame, gevaarlike roete?
#oloffdieseerowerstories
Gerrie Radlof is seer sekerlik een van Suid Afrika se beste Afrikaanse skrywers wat ooit gelewe het. Sy alombekende Buiter reeks van nege boeke het is goed bekend by oud en jonk wat lief is vir Kaapse verhale en word nou weer in e-boek sowel as boek formaat vrygestel. Gerrie Radlof was betrokke by ’n hele aantal reekse, maar die reeks wat seker die bekendste is van almal is, is sy uiters gewilde Oloff die Seerower reeks van 24 boeke. Hierdie reeks gaan oor die seerower era toe seilskepe nog die oseane getem het en seerowers om amper elke hoek en draai op loer gelê het vir hul prooi. Oloff van Wagenaar het dit sy lewenstaak gemaak om die see te bevry van die euwel en saam met sy getroue vriende en twee pragskepe, ervaar hulle skermutselings op see en land, waar die een met die skerpste brein en beste voorbereid was, gewoonlik die botoon gevoer het. Die reeks is lank genoeg sodat die leser nie net die gegewe seerower era kan ervaar in sy totaliteit nie, maar daar is meer as genoeg aksie, romanse, spanning, drama en ander verwikkelinge in elke storie wat die leser aangryp en nie laat los voor die storie nie eers klaar gelees is nie. Volgens my is die reeks briljant geskryf en iedereen wat hou van die tydperk in die wêreld se geskiedenis sal die stories meer as geniet.